Яагаад Mongolia биш PRC гэж ороод ирэв ээ?

From Mongolian script
Revision as of 06:10, 21 February 2019 by Badaa (talk | contribs) (Created page with "Виндовс 7 үйлдлийн системд Монгол бичгийн гарын драйвер анх удаа Майкрософт компаниас албан ёс...")
(diff) ← Older revision | Latest revision (diff) | Newer revision → (diff)
The printable version is no longer supported and may have rendering errors. Please update your browser bookmarks and please use the default browser print function instead.

Виндовс 7 үйлдлийн системд Монгол бичгийн гарын драйвер анх удаа Майкрософт компаниас албан ёсоор дэмжигдэж орж ирсэн бөгөөд тухайн үедээ Mongolian (Traditional Mongolian, PRC) гэсэн гарчигтай орж ирлээ гээд шуугиад өнгөрч байсан. Энэ нь Майкрософт компанийн буруу биш юм. Харин ч сайн судлаад Монгол улсын албан ёсны бичиг нь кирилл бичиг юм байна, Монгол бичгийн хэрэглээ байхгүй байна, харин Өвөр Монголын Өөртөө Засах Оронд Монгол бичгийг албан ёсоор ашиглаж байгааг үндэслэж ийнхүү оруулжээ.

Виндовс 7 хэлний цэс

Энэхүү хэлний цэсийн нэршил нь "Хэл (Бичиг, Газар нутаг)" гэсэн бүтэцтэй байдаг бөгөөд Монгол хэл (Үндэсний Монгол, Хятад) гэж орж иржээ. Монгол улсын олон иргэд үүнийг эсэргүүцэж, гомдол гаргасан тул Виндовс 8 үйлдлийн системийн үед бэлтгэл ажил хийгдэж, Монгол локалд далд дэмжигдэж, Виндовс 10 үйлдлийн системд бүрэн дэмжигдэж орж ирсэн болно. Энэхүү локалын тусламжтайгаар Microsoft Office программ баримт бичгийн хэлний кодыг бичдэг бөгөөд үүнээс хамааран тухайн хэлтэй холбоотой боломжууд нь нээгддэг билээ. Жишээлбэл монгол бичгийн хувьд босоо чиглэл нэмэгдэж, үсэг бүр гараас ороход залгагддаг тэр боломж нээгддэг гэсэн үг. Тиймээс бид Виндоус 7 үйлдлийн системийн хувьд энэхүү PRC локал дээр оруулахаас өөр арга байсангүй.